Næringslivsprisen 2026 til Espen Skrede Høidal
Under kommunestyremøte i dag fekk Espen overrekt diplom frå ordførar og blomst frå leiar av SNU for si innsats som næringsdrivande med stort pågangsmot og handlekraft.
Ordførar Olav Harald Ulstein rosa Høidal for gründerånd, handlekraft og nytenking gjennom utviklinga av Møre Miljøsanering til ein solid aktør med 16 tilsette. Gjennom satsing på gjenvinning, ombruk og berekraft, og utviklinga av Miljøkvalitet og Jarnes Miljøpark, bidreg han til eit sterkare og meir framtidsretta næringsliv i Sykkylven.
Han er òg rettleiar og sensor i gjenvinningsfaget og samarbeider med NTNU om utviklinga av ein ubemanna ombrukshub i Vegsundet.
Espen er eit førebilete på korleis gründerånd, handlekraft og samfunnsansvar kan skape arbeidsplassar, nye næringar og verdiar for heile lokalsamfunnet.
Ordføraren overrekte prisen på vegner av styret i Sykkylven Næringsutvikling, som valde ut Espen blant 12 gode kandidatar.
Kriteria for prisen, og tidlegare prisvinnarar ser du her.