Sykkylven – innfallsporten til Sunnmørsalpane
Her kjem du tett på rå natur: Vi har mektige og ville fjellformasjonar, isblå brear, frodige dalar og ein langstrakt, idyllisk fjord.
I Sykkylven finn du eit triveleg handelssentrum, kjekke aktivitetar, glade festivalar og industri i verdsklasse. Velkomen til ei bygd rik på historie, skaparglede og fri natur. Ei bygd for barnefamilien, så vel som syklisten, fjellgeita og fiskeentusiasten.
La roa senke seg og lytt: Ivrig fuglekvitter, ein brekande sau, lyden av at sluken bryt vassflata, eller suset frå vinden på ein fjelltopp i Sunnmørsalpane.
Velkomen til Sykkylven.
Fritid
Vi har gode tilbod for aktivitet og utflukter i eiga kommune, mellom anna:
- Ikornnes friluftsbad
- Sunnmørsalpane Skiarena Fjellsætra
- Nytt Sykkylven bibliotek (opna i mai), med ei eiga innbydande avdeling for born
- Sølmongarden og Blakstad besøksgard
- Hundeidvik klatrepark
- Straumen, Nord-Europas kortaste lakseelv, og andre fiskeplassar i elv, vatn og sjø
- Frisbeegolf i Velledalen
- Badestrand på Haugneset og fleire andre badeplassar i både saltvatn og ferskvatn
- Fjellsætra turområde og ferskvatn å bade i på sommartid
- Sykkylven pumptrack
- Nydelege turområde med gapahuk
Les meir om opplevingar i Sykkylven i vår brosjyre her.
Vi har også fleire festivalar gjennom sommaren i Sykkylven, og ved kvar og ein av dei er det opplegg for born:
Sjå aktivitetskalender og les meir om tilbod i Sykkylven: