Sirkulær HUB - høg interesse for meir samarbeid om sirkulære løysingar!

Onsdag 27. november samla Omstillingsprogrammet, saman med regionale partnarar, rundt 30 deltakarar til Sirkulær HUB-seminar på Næringsfabrikken. Målet var å motivere, inspirere og gi fagleg påfyll om korleis sirkulærøkonomi kan skape nye forretningsmoglegheiter i vår region.

Dagen baud på innlegg frå Norsk Industri, Innovasjon Norge, PlussLab kompetansesenter og NTNU – med tema som nye EU-reguleringar, ressursknappheit, industriell symbiose, avfallsstraumar og konkrete moglegheiter for lokale bedrifter. Fleire verksemder i regionen delte erfaringar knytt til bruk av restmateriale, og workshopen skapte god diskusjon rundt drivarar og barrierar for sirkulære løysingar og mogleg samarbeid.

Det sterke engasjementet gjennom dagen viser at Sykkylven og omland har gode føresetnader for å få til fleire prosjekt innan sirkulære verdikjeder og grøn omstilling, seier Lise Gundersen Haukeberg – Programleiar for Omstilling.

Neste steg blir å identifisere aktørar som ønskjer å delta i vidare arbeid og løfte fram mogelege pilotprosjekt.

Lenker til vidare lesing og støtteordningar:

• Forskningsmidler til næringsliv
• Omstillingsprogrammet Skaparkraft
• Møre og Romsdal | Innovasjon Norge