Ny coworker i SkaparLINKEN: Karoline Matilda Chruickshank Johnsen

Terrengentreprenøren AS er eit allsidig maskinentreprenørfirma med spesialisering på oppdrag med vanskeleg tilkomst. Sidan oppstarten i 2018 har selskapet bygd opp ein velutstyrt maskinpark og eit solid team på åtte faste tilsette. Med base i Velledalen tek dei oppdrag over heile landet - ofte på stader der dei fleste ikkje ein gong ville vurdert å sette hjula ned.

Karoline har ansvar for administrasjon og økonomi i selskapet, men er også aktiv med kamera på enkelte oppdrag. Ho filmar og fotograferer arbeidet deira, og deler innhaldet i sosiale kanalar. På TikTok har Terrengentreprenøren fått imponerande sjåartal med spektakulære klipp frå bratte fjellsider, helikoptertransport av maskiner og arbeid i ekstreme forhold.

I SkaparLINKEN cowork deler vi kontor med fleire som jobbar innanfor ulike former for sikring - Mikkel Kristiansen frå Skred AS, som jobbar med skredsikring, og Andreas Suorza frå Proactima AS, som har spesialisert seg på kjemisk HMS-sikring av anlegg og prosjekt. Med sine erfaringar frå krevjande terreng og arbeid under ekstreme forhold, passar Karoline godt inn i denne gjengen av «sikringsfolk».

Vi gler oss til å bli betre kjent med Karoline, og ser fram til å sjå fleire glimt frå det unike arbeidet hennar og Terrengentreprenøren AS!

‍