Teknologifestivalen 30. - 31. mai 2024
I fjor arrangerte Sykkylven Industri- og Næringslag Teknologifestival for første gang. Festivalen vart ein real opptur med godt fagleg innhald og inspirerande eksempel frå lokal industri. Teknologifestivalen vart omtalt som ein minneverdig nettverksarena, og fleire deltakarar vart positivt overraska over kompetansen og innovasjonsgraden vi har både lokalt og regionalt.
Den teknologiske utviklinga går i eit enormt tempo og det krev mykje av bedriftene å halde seg relevant i dagens marknad. Kva bør ein satse på for å sko seg for framtida? Spørsmålet er vanskeleg å svare på, men nettopp dette vil Teknologifestivalen hjelpe deg å vurdere. Målet at du skal få eit betre grunnlag til å vurdere kva som er riktig for deg og di bedrift, gjennom to dagar med ekspertar, diskusjonar og konkrete eksempel frå innovative og konkurransedyktige bedrifter.
Ved å gjennomføre Teknologifestivalen på andre året ønskjer ein å fortsette å bidra til at deltakarande held seg oppdatert, og at ein kan sjå potensiale både for samarbeid og for utvikling i eiga bedrift.
Kjøp dine billettar i dag. Dette må du få med deg!